攰爆访凶地热刺难言圣
今晚意甲祖云达斯同西甲皇家马德里展开衞冕之旅，阿King度咗条3大联赛过关，希望帮到大家手。头关英超早场修咸顿主场斗热刺，热刺上周中先作客完保加利亚踢欧霸外围赛，肯定攰爆，加上佢哋近年作客圣马利球场战绩麻麻，近4次都赢唔到，作客让波择使，宁拣「圣人」让球主胜。
跟手意甲班霸祖云达斯主场对森多利亚，祖记新帅派路虽冇执教经验，但佢哋实力雄厚，3位中场新兵古路施夫斯基、韦斯顿麦坚尼及艾法美路亦够晒实用，近5次联赛主场对森多利亚录全胜，其中4次上半场领先，要半场主胜。
皇马登场等搣苏
压轴尾关皇马开咧战作客皇家苏斯达，皇苏上季主力马田奥迪加特畀皇马回收，新加盟嘅大衞施华早排中咗新冠肺炎状态未明；「银河舰队」保留一班夺冠功臣，而且近4季西甲首战又赢晒，客胜稳开。
