听朝另一场世界盃外围赛南美洲区赛事，传统劲旅哥伦比亚主场迎击委内瑞拉。论牌面主队当然胜一筹，但喺疫情影响下，南美洲国家队近1年未有比赛，久疏战阵令合作性同队形难免受影响。委内瑞拉自知技不如人，球员惟有走多步睇吓偷唔偷到鸡，预料入波唔多，捧2.5球入球细稳阵。
哥伦比亚上届世盃外围赛排第4，今届主力阵容仍然维持，占士洛迪古斯、法卡奥、古达度及奥斯宾拿等老大哥继续担当重任，其中J罗今季更喺爱华顿重生，不过佢喺球会有唔少年轻队友走位配合，返到国家队身边多为老将，活力骤减，未必可以发挥到佢最大威力。
委内瑞拉死守望抢分
事实上，原定3月展开嘅外围赛因疫情推迟至10月，哥伦比亚对上一场赛事已经数到上年11月，葡萄牙籍主帅奎罗斯喺停摆期间直头飞返欧洲，国家队处于瘫痪状态，对向来以组织性踢法为主嘅哥伦比亚嚟讲，缺乏备战影响相当大。
作客嘅委内瑞拉上届外围赛排包尾，不过曾经试过作客1比1打和阿根廷，同1比0赢巴拉圭，今场全军退守，未必冇抢分机会。翻查往绩，哥伦比亚近8次对委内瑞拉，有7次总入球开2球或以下，今场梗係追2.5球嘅细盘。
