热刺上力翻转般尼
周二凌晨英超好戏，状态大勇嘅热刺作客般尼。威尔斯国脚加里夫巴利回归后已经正式为热刺上阵，领队摩连奴有「幸福烦恼」，皆因阵中两大球星哈利卡尼同孙兴民脚风甚顺，几位射手轮流上阵狂爆般尼，今场势以狮子扑兔之态抢3分，推介客胜。
热刺遇上9月底到10月中旬嘅「地狱赛程」，上周中终于去到尾站，喺欧霸盃出击作客宁斯。加里夫巴利回归后首度正选披甲，加上另一位首演球员卡路士云尼斯奥斯就成为「及时雨」，「大圣爷」担正喺前线表现活跃，云尼斯奥斯更交足货，呢场作出2次助攻，包括二传畀后备上阵嘅孙兴民埋斋，最终大胜3比0，连同呢场在内，热刺喺「地狱赛程」中嘅4场作客全胜，令人喜出望外。埋单计数，虽然热刺暂时喺英超位列中游，但南韩球星孙兴民已经为球队射入9球，加上队长哈利卡尼5场联赛亦已取得5个士哥，如今有埋「大圣爷」，前景一片光明。
值得一提嘅係，热刺今季火力全开，特别係2场作客赛事，分别大炒修咸顿5比2及曼联6比1，连开2次总入球7+，似乎球员在客场环境踢得更放，更易取得入球。
经历「大崩溃」唔会再轻敌
另边厢，主队般尼去季英超排第10名冲线，可惜今季球会莫财，夏季转会窗并未有大规模增兵补强，此消彼长下，般尼联赛开季4战3负1和，情况惨不忍睹。加上热刺之前对韦斯咸一战惨遇「大崩溃」，喺早段领先3球下，因为末段鬆懈遭逼和3比3，痛定思痛，球队更加打醒十二分精神，对弱旅唔会再轻敌，令般尼「偷鸡」机会更微，呢场热刺客W有买趁早！
