锡菲联守城吼半场和
蓝月亮伤疲交煎
周六英超早场，锡菲联主场迎战曼城，锡菲联今季仍然未尝1胜，但踢法尚算硬淨，就算输都係小负，近5场联赛上半场都打和。至于曼城刚于周中欧联作客击败马赛，耗力甚大，加上阿古路再次受伤搞到无「锋」可用，想咬入对手并唔容易，宁博半场和。
锡菲联上季凭稳健防守获得第9位，成绩令人惊喜。虽然今季表现倒退，踢6场联赛仅1和5负，但其稳守突击踢法并冇改变，6场联赛只失9球，同榜首爱华顿一样，甚至少过上季冠军利物浦。
后防硬淨失球率低过红军
事实上，锡菲联今季5场英超败仗之中，有4场仅输1球，当中近5场联赛上半场都打和，其中4次开出0比0半场波胆，呢5场对手更包括强队阿仙奴及利物浦，由此可见，要喺头45分钟射破锡菲联大门，并唔容易。
另一边厢，曼城今季备受伤兵问题困扰，射手阿古路早前复出后，仅踢咗3场比赛又受伤，预料将缺阵1个月，另一前锋加比尔捷西斯亦已经养伤超过1个月，加上仲未康复嘅费兰甸奴同班捷文文迪，前中后三线人脚捉襟见肘，领队哥迪奥拿今场好可能又要排出「无锋阵」，难免削弱入球能力。
除咗受伤兵问题困扰，曼城刚于欧联作客大战马赛，今场英超又要作客，体力始终会比较输蚀。加上曼城近3场英超每场都只入1球，攻力比前跌Watt，未必可以喺上半场攻入对手大门，首选半场和。
