日乙周三快车，榜首德岛漩涡主场迎战中游份子枥木SC。漩涡目前喺榜首同福冈黄蜂争持激烈，为争冠军及升班资格寸土必争，战意毋须怀疑，枥木踢法极度保守，入球及失球都偏少，近11场联赛10次开2球或以下，首选中位数2.5球入球细。
受疫情影响，今季日乙赛程频密，各队阵容轮换频繁，榜首位置更好似车轮转咁，长崎成功丸、北九州向日葵、福冈黄蜂及德岛漩涡都先后做过1哥；与此同时，日乙今季不设降班，但就有2个升班席位，现时喺联赛前2名嘅漩涡及黄蜂，只要馀下赛事保持优势，来季即可升上日职，因此季尾漩涡及黄蜂嘅赛事，都值得关注。
龟缩战术顶住漩涡
漩涡近况弗爆，近5仗4胜1和，包括前仗3比1击败走势凌厉嘅磐田山叶，主力射手垣田裕晖及中场西谷和希喺呢场关键胜仗都交出入球，上仗作客东京绿茵，又靠对方尾段乌龙球绝杀赢2比1，今仗赢面确係高。
虽然漩涡赢面高，但枥木数据喺日乙极度「出众」，呢队波今季仅攻入28球失24球，无论得球及失球都係联赛第2少，佢哋嘅龟缩战术往往令对手毫无办法，近11场10场开2球或以下，当中4场踢成0:0，漩涡要攻破枥木铁桶防守随时要付出代价，今场主胜同入球细相比，都係2.5球细盘可靠些少。
