C朗冲纪录克罗地亚大镬
另一支喺A3组要护级嘅，仲有克罗地亚，佢哋喺主场恶斗葡萄牙。克军虽然排第3位，但其实与包尾嘅瑞典同分，为护级一定抢攻。葡军亦有C朗继续挑战戴伊国际赛入波纪录，同样唔会手软，今场入波会多，捧2.5球大盘。
2018年世界盃亚军克罗地亚恶斗2016年欧国盃冠军葡萄牙，理应係一场势均力敌嘅赛事，不过两军近年发展好唔同，虽然两队核心莫迪历同C朗都喺阵中，但接班方面，葡军似乎有更加好人选，祖奥菲历斯、迪亚高祖达、贝拿度施华同般奴费南迪斯等，都能够担大旗，相反克罗地亚就冇可靠球员接棒。
克罗地亚护级焗攻
当然，从今次欧国联应可见一斑，「格仔兵团」5战1和4负排小组第3，同瑞典对赛成绩一样，只以较佳得球压住瑞典，若果今场稍有差池，随时跌落包尾而降班，所以今场对葡萄牙都唔可以当例行公事，不过后衞杜马高维达及中场波索域齐齐确诊新冠肺炎而缺阵，令防线存隐忧，难怪佢哋近9场全开3球或以上，只以攻力补救。
另边厢，葡萄牙上场不敌法国，肯定无缘出线，宣布衞冕失败。不过冇压力之下，今场可能踢得更开放，尤其係王牌C朗已累积102个国际赛士哥，只差7球就可追平伊朗传奇前锋戴伊，成为国际赛入球最多球员之一，遇上克罗地亚脆弱防线，绝对係数胡好时机，入球大值博。
