基达菲唔赦毕尔包
勐将来投实力升呢
今晚西甲独脚戏，毕尔包主场迎战基达菲。虽然毕尔包早前爆冷勇夺西超盃，但呢支「山寨王」联赛表现认真麻麻，尤其係主场战绩明显跌Watt，基达菲获得久保建英等新兵加盟后，连赢2场从谷底反弹，加上近年交手不落下风，受让必捧让球客胜。
毕尔包联赛表现低迷
毕尔包踏入2021年，请来前华伦西亚教头马些连奴接手，即喺西超盃爆冷连挫皇马及巴塞，继2015年后再度捧走呢个盃，并喺上周西盃淘汰伊维萨联晋级，有个好开始。不过「巴斯克雄狮」今季联赛演出低迷，近9仗联赛赢得2场咁大把，而且未能保持主场特醒嘅传统，开咧后9次联赛主场出击，只得5胜4负，较以往相对失色，亦係佢哋徘徊中下游嘅主因。
基达菲今季同样唔叻，试过11场联赛赢得1场，一度被捲入护级漩涡，好彩喺冬季转会窗接连签入久保建英及卡利斯艾兰拿后，立刻联赛2连胜，先喺反胜艾尔切3比1之役，久保建英间接製造两个入波，上场赢侯尔斯卡1比0，卡利斯艾兰拿更交出致胜助攻，可见两人来投后，进攻效果立竿见影。翻查纪录，双方近7次正面交锋，基达菲取得2胜5和未输过，绝对唔赦「巴斯克雄狮」，依家佢哋当头起，仲有得受让咁笋，让球客胜咪错过。
