曼城客场放心捧
2哥来袭西布朗顶唔住
今个星期英超又开快车，其中2哥曼城会喺周三凌晨作客西布朗。曼城连场报捷弗到漏油，擅于初段先发制人，造访防守不稳、排第19位嘅西布朗，势必抢先机由头赢到尾，直取半全场「客客」。
曼城经历灾难性开局后，主帅哥迪奥拿亦选择妥协，首先巩固防守，随着复用史东斯及新兵鲁宾戴亚斯极速融入，令防线表现回稳，而且略为减少控球嘅战术，获得更多空位打反击，无论係史达宁、菲尔科顿、马列斯及根度简都屡有进帐。近期装「假9」嘅新星菲尔科顿非常抢镜，今季各项赛事已有9粒进帐，而习惯做派牌嘅中场根度简，近5场联赛入4球，令人喜出望外。
「蓝月亮」于各项赛事连赢10场，愈踢愈顺，单计联赛6场赢晒，其中5场喺上半场已取得领先优势，呢招快刀斩乱麻明显奏效。依家曼城只落后榜首曼联2分，但踢少1场，失分更少，由于曼联之后一日先对锡菲联，意味住「蓝月亮」今仗赢波嘅话，唔单止可过一晚「1哥」瘾，同时可以畀压力红魔，佢哋日前英足盃惊险反胜车顿咸3比1，主帅哥迪奥拿足足轮换10人，一众主力抖到够预备今仗。
西布朗防线欠稳易失守
另一边厢，西布朗虽然邀得「护级专家」艾拿戴斯出山救亡，但成绩未见有太大改善，佢接手后6场联赛，只得1胜1和4负，场场都有失波，合共失咗17粒，而且呢6场均在上半场已落后，初段防线坚唔集中，好难顶得住曼城嘅狂轰勐炸。
由于曼城有王牌阿古路确诊新冠肺炎而需隔离，中场核心奇云迪布尼亦因伤倦勤，为免再增添伤兵，趁住西布朗防守溷乱，必定想喺上半场入多几粒，尽快锁定胜局，易边后可以拖慢比赛节奏，畀班主力休息回吓气，减少受伤机会。既然「蓝月亮」擅打闪击战咁抢缰，半全场「客客」有买趁早。
