争主场首胜西流抢攻大无畏
今日继续有澳职上演，西悉尼流浪者主场迎战墨尔本胜利。西流近5场联赛不败，胜利开季表现令人失望，不过两大星级外援卡林麦马拿文及基斯泰迪伤愈候命，对重敲胜鼓有正面帮助。两军近7次交锋有6次总入球开3球或以上，今场捧2.5球入球大好路。
西悉尼流浪者自联赛首战0比1不敌FC麦克阿瑟后，近5场联赛取得2胜3和，不过其中有4场係作客比赛，换句话讲，佢哋今季主场联赛仲未赢过波，主场出击似乎冇咩优势，唯一可靠係佢哋进攻发挥唔错，近5场比赛场场有入波，为求喺主场开斋肯定会主动抢攻。
胜利星级外援伤愈
上季常规赛排尾2嘅墨尔本胜利今季改头换面，除咗由苏格兰主帅比贝拿领军，同时亦加入咗基斯泰迪、卡林麦马拿文及积及毕打菲特几位曾经喺英超同英冠搵食嘅球员，论卡士绝对数一数二，不过基斯泰迪及卡林麦马拿文早前受伤患困扰，发挥只属一般，上场胜利喺两人缺阵下，作客以2比5大败畀布里斯班狮吼，开季5战仅得1胜1和3负，暂以4分排联赛榜包尾。
好彩胜利今仗赛前收到好消息，基斯泰迪同卡林麦马拿文已经摆脱伤患可以候命，配合罗比古斯、马高洛查士等名将，战斗力依然唔可以低估。
睇番两军近7次交手一共炮製21个入波，6次总入球达3球或以上，今场捧大最稳阵。
