今晚英超赛事，急于喺联赛反弹嘅热刺主场迎战般尼。热刺近6场联赛只曾1胜，今场再输就好样衰，即使面对下游嘅般尼，相信都会小心行事；般尼自知实力有限，预料会以死守抢分，佢哋近12场联赛有10次开2球或以下，包括4次对Big6，推介2.5球入球细。
般尼欠缺入球能力
热刺上周中喺欧霸主场以4比0轻取奥地利球队禾夫斯贝加，两回合计赢8比1进身16强，可惜佢哋联赛走势唔掂，先后输畀利物浦、车路士、曼城等，上轮联赛更不敌韦斯咸，领队摩连奴执教生涯首次向莫耶斯称臣，认真冇面。今晚遇正下游球队般尼，当然係全取3分止血嘅好机会，但热刺最大问题唔係进攻而係防守，球队近8场英超只得1场保持不失，「寸王」今场最重要係先解决防守问题，宁愿「赢得核突」总好过「输得精彩」，对弱旅都唔介意踢丑陋足球，随时「泊大巴」。
未计寻晚赛事，排15位嘅般尼距离护级区只有6分距离，作客Big6只求1分係合理期望。般尼入球能力欠佳，25场联赛只入18球，仅比包尾嘅锡菲联多3球，所以近12场联赛有10次开2球或以下，对手包括曼联、利物浦、车路士及曼城，作客热刺相信都会龟缩死守，2.5球入球细玩得过。
