胜利船前锋大作战
入球机器高质斗志坚
日职星期三快车有大战上演，开季表现唔差嘅神户胜利船，主场挑战「王者」川崎前锋。胜利船喺西班牙中场恩尼斯达持续缺阵下，仍然能够保持一定战斗力，今场迎战开季全胜嘅川崎前锋，将会靠进攻全力一拚。两队都有高质射手候命，预料会係一场精彩进攻大战，中位数2.5球嘅入球大值得捧场。
神户胜利船喺王牌恩尼斯达养伤下，开季成绩算係理想，先后击败大坂飞脚同FC东京两支劲旅，巴西前锋戴恩费斯杜格拉斯状态不俗，佢同古桥亨梧合作擦出火花，虽然上轮主场0比1不敌名古屋鲸鱼，为咗抢分继续喺前列争逐，相信主场斗川崎前锋亦唔会踢得过分保守，必尽力争取入球。两队近年交锋都踢得极为开放，过去8次对赛总入球全开3球或以上，近5次碰头更有4次开出4球或以上，可见双方都崇尚抢攻踢法。
前锋全胜强势抢胡
川崎前锋上季横扫日职夺冠，今季亦延续超强气势，上轮联赛1球小胜柏雷素尔后，头5场联赛全胜轰入13球，巴西射手李安度达美奥已有4球进帐，小林悠、三笘薰及家长昭博等攻击球员个个具备入球能力，就算佢哋今场作出轮换，亦能够维持高水平嘅进攻力，强大火力係川崎前锋上季能够称霸日职嘅最大原因，今场即使作客亦有足够能力抢攻争胜，大盘稳阵。
