今晚英足盃8强头场，车路士主场迎战锡菲联。虽然双方实力差天共地，但车仔自杜曹上任后稳字行先，经常保持清白之身小胜，锡菲联不嬲攻力疲弱，作客强队必定摆铁桶阵，2.5球嘅入球细更值博。
新帅杜曹于1月尾上「车」后，车仔13战取得9胜4和未输过，包括上周中欧联16强次回合清脆地赢马体会2比0，两回合计赢3比0进身8强，佢仲打破「大菲」史高拉利纪录，成为首位头13仗领军不败嘅车仔主帅，表现脱胎换骨。
值得留意嘅，係车仔呢13战中有11场保持不失，防守稳阵番係止跌回升主因，不过只入15粒，可见呢名崇尚进攻嘅教头，仍未搵到最理想进攻组合，导致控球虽多但攻势唔够锐利，因此赢波都係小胜居多，其中近9场总入球全部都係2球或以下。
锡菲联攻力曳到爆
锡菲联早前终于炒咗功勳主帅韦达，由U23教练希坚保顿暂时顶上，岂料首度领军即惨吞李斯特城5蛋，今场一定唔敢冒进。呢支英超包尾大幡，今季最大问题係攻力唔掂，单计联赛29战只入16粒，阵中首席射手麦哥迪克入得6球，但佢最近仲伤埋，贵价货利安比维斯达更未开斋，连反击力都冇，惟有龟缩防守。车仔已经连续6场主场冇失球，而且近9场只失1粒，全开2球或以下，主胜赔率太热冇肉食，不妨向2.5球嘅细盘埋手。
