国际赛后未回气车仔焗捱细界
今晚车路士英超早场主场斗西布朗。车仔焦点人物当然係挞晒大Q嘅德国前锋迪姆华拿，今场杜曹或会收起佢，事实上，车仔唔少球员都要踢「太公波」，体力肯定受到影响，而且佢哋下周又要出战欧联8强，即使对住尾2嘅西布朗，相信都唔会大炒，但求3分落袋就算，佢哋近10场只失1球，今场捧2.5球入球细係最佳选择。
车仔球员喺啱啱攞咗英超3月最佳领队嘅杜曹调教下，表现良好，亦成为国家队大户，连U21在内，英格兰召入列斯占士、美臣蒙特、芝维尔及赫臣奥杜尔，基奥特、尼高路简迪、葛特苏马入选法国大军，迪姆华拿、夏维斯及鲁迪格要为德国效命，仲未计安达斯基斯坦臣（丹麦）、艾马臣柏美尼（意大利）、高华锡（克罗地亚）及基斯甸普列锡（美国）。
车路士成日畀人笑係「前锋坟墓」，迪姆华拿加盟后真係冇乜起色，代表德国斗北马其顿门前挞大Q真係信心尽失，今仗杜曹应该会避用佢。不过「杜Sir」本身有一套体系，原则上放边个落去都一样，所以唔会影响发挥，预料佢会沿用3中坚及双翼衞踢法，虽然前线入波唔多，但失波亦少，近10仗只失1球，全部开2球或以下，对西布朗够杀有馀。
西布朗专心死守
排尾2嘅西布朗14场英超作客只得7分入11球，肯定无力对车仔后防造成威胁，今仗只能专心死守，期望减少失球。不过，车路士下周要喺欧联8强首回合斗波图，今场亦会见好就收，预料只会小胜而回，让球主客和去到「-2」太多喇，宁捧2.5球入球细。
