列斯联尽情驳火曼城半场玩大佢
今晚英超早场由榜首曼城主场斗列斯联。曼城为留力应付下周中嘅欧联生死战，今仗势必进行大轮换，不过「蓝月亮」就算出副选一样极具战斗力，绝对唔会轻易放软手脚；列斯联作客踢法大无畏，而且上半场特别多波入，近10场联赛作客有8次半场开总入球2球或以上，今场冇心理包袱随时同曼城斗攻，建议捧中位数1.5球嘅半场大。
曼城周中欧联8强首回合以2比1险胜多蒙特，不过由于失咗1个作客入球，加上次回合需作客出战，争入4强仍未可以安寝。「蓝月亮」目前于英超领先2哥曼联14分，手执半隻冠军盃耳，有理由相信主帅哥迪奥拿今仗会让部分主力休息，由上场欧联冇份落场嘅阿古路、史达宁、费伦托利斯、费兰甸奴及拿朴迪等孭飞，战斗力依然强劲，而且阿古路早前正式宣布季尾离队，可以预期佢喺馀下球季都会搏到尽，务求为曼城球迷及自己留下美好回忆。
斗Big6旺入波
列斯联近两场联赛连赢富咸及锡菲联，现以30战得42分排第11位，已超过传统40分嘅安全线，基本上可宣布护级成功。列斯联踢法向来有前冇后，而且佢哋作客经常一开波就抢攻，一旦遇上实力较强嘅前列球队失波自然多，例如佢哋今季联赛作客其馀5支Big6对手，单计上半场已经失咗13球，5次上半场全开总入球2球或以上，遇上全英超火力最强嘅曼城相信唔会例外，捧1.5球半场大最好路。
