光辉博反弹抢客W
澳职周二有下游大战上演，由近期状态跌入谷底嘅纽卡素喷射机主场迎战珀斯光辉。主队近期联赛7连败，创下球会史上最长连败走势，上场输畀包尾嘅墨尔本胜利之后，纽卡素喷射机只有一课操练即刻要再上战阵，信心已经崩溃嘅球员难有即时反弹能力，面对实力唔差嘅珀斯光辉恐怕难逃一败，客胜值得支持。
喷射机7连败任人劏
纽卡素喷射机係目前澳职走势最差球队，虽然每场比赛都可以展现出一定抵抗力，但后防总係会出现错漏，令球队输波，随住连场败仗令士气亦荡然无存，上场迎战包尾嘅墨尔本胜利本来係反弹良机，但係上半场领先下却未能乘胜追击，结果下半场连失2球反输，创下联赛7连败嘅球会纪录。相隔3日后哀兵再战，实在难望有奇迹出现。
作客嘅珀斯光辉目前只係比纽卡素喷射机高1名排第10位，近期亦连输2场，但佢哋上仗作客劲旅FC悉尼亦只係仅输1球，而且西班牙中场核心迪亚高卡斯度伤愈复出，中场伊高路美迪斯养伤近2个月后亦可以候命，人脚渐见齐整，加上科拿路利、历克迪亚高斯天奴等星级球员压阵，战斗力明显高于主队，今场光辉有望全取3分。
