阿联主W万无一瑟
周三澳职前列大战，排第4位嘅阿德莱德联主场迎战第5位嘅FC麦克阿瑟，两队今季成绩都比预期中理想，上季痛失季后赛资格嘅阿德莱德联，今季喺维亚特执教下表现成熟唔少，尤其係主场出击非常稳健，目前排联赛前3位嘅中岸水手、墨尔本城同FC悉尼，都喺阿德莱德联嘅主场输波而回，今仗可以放心捧主胜。
麦克阿瑟主将养伤
阿德莱德联喺2月开始曾打出一波6连胜走势，但月初被中岸水手打断强势后，上仗又被西悉尼流浪者逼和1比1。不过阿联上场演出并唔失礼，佢哋喺半场已经踢少1个下，仍然能够製造唔少入波机会，整体表现理想。星级前锋杜米祖历养伤多时，复出后首场担正即有入球，将会成为球队争胜一大武器，加上小将穆罕默德托尼嘅速度，将成FC麦克阿瑟后防心腹大患。
阿德莱德联今季主场演出可人，近4场联赛主场有3胜1和不败佳绩，当中包括榜首中岸水手同上届冠军FC悉尼，可见阿德莱德联主场威力惊人。作客嘅FC麦克阿瑟上场不敌布里斯班狮吼，3连胜走势惨被终止，右翼衞法兰积受伤对攻守力量影响颇大，今场造访阿德莱德联主场凶多吉少。
