毕尔包巴塞半场讲和
今晚西班牙盃决赛爆发激战，由毕尔包与巴塞隆拿于中立场西维尔争夺冠军！毕尔包两周前于上届西盃决赛失利，两周内再度争冠，战意唔讲得笑，佢哋曾于今届西超盃决赛加时击败巴塞隆拿，其机动踢法相当煞食，而且佢哋好旺半场和，今仗一于追多铺。
由于疫情关係，今个月连续进行两届西盃决赛，4月4日上演係上届决赛，毕尔包火併皇家苏斯达嘅「巴斯克打吡战」半场互交白卷，到下半场皇苏仅藉一球12码以1比0击败毕尔包。今晚係毕尔包第2个捧盃机会，虽然今场对手改为实力高一班嘅巴塞隆拿，但「巴斯克雄狮」唔会怕佢哋。
1场过盃赛有得打
翻看资料，两军经常于盃赛碰头，双方于今届西超盃决赛交手，半场踢成1比1，全场2比2，最终毕尔包加时入波以3比2击败巴塞捧盃，可见「巴斯克雄狮」喺盃赛上同巴塞冇乜高低。
毕尔包踢法机动，于盃赛场合特别适用，巴塞隆拿即使拥有美斯及基沙文等巨星，都未必可以于比赛初段咬得入，而且「地上最强」刚于国家打吡以1比2不敌皇家马德里，士气受挫，今场未必敢轻举妄动，既然毕尔包连盃赛在内，近8场赛事7次开半场和，半场和乃明智之选。
