富咸告急太迟冇力开W
今晚英超独脚戏爆护级大战，富咸主场斗般尼。富咸依家落后尾4嘅般尼9分，今场输波即宣告「拔喉」，佢哋近6场只得1和5负似乎放软手脚；般尼近8场联赛都有入球，状态较优胜，让球客胜抵玩。
今场虽然叫「护级6分波」，但压力喺晒富咸一边，因为佢哋输波即宣布护级失败，相反般尼领先9分，即使和波甚至输波都好，形势都唔算恶劣，可以慢慢睇定嚟踢，唔使急于进攻。
事实上富咸如果有心抢分应该一早发力，依家先嚟「告急」就神仙都难救。佢哋近6战只得1和5负，渡边年有睇过几场富咸嘅波，冇错班球员係有斗心，但技术差啲兼且成日欠运，呢方面好难搞。
般尼作客唔曳受让笋
般尼表现虽然飘忽，但今季作客5场胜仗，有4场係近8次作客取得，包括击败「默西赛德郡双雄」利物浦及爱华顿，加上佢哋近8场联赛都有入波，作客富咸有力抢分，受让值得捧场。
