川崎鹿角「大」斗攻
东京奥运就嚟开幕，日本U24上星期就公佈咗今次国际赛期嘅大军名单，最多人关注嘅应该係三个超龄球员席位，教练森保一最后就拣咗大国脚队长吉田麻也、酒井宏树同埋中场远藤航三位大国脚入选。其实日本U24中前场班后生仔已经够晒班，搵三个大国脚加强番后防都算係好合理嘅选择。
今次日本U24大军人数有成27人，除咗三笘薰、田中碧、前田大然呢啲国内新星之外，仲有久保建英、远藤溪太、堂安律、冨安健洋一大班海外组球员，不过由于奥运队名额只得18人，加上已经有超龄球员霸咗三个位，要喺呢份咁豪华嘅名单剔走成九个人都真係唔易。
家排日职榜首嘅前锋下星期日就会主场对鹿岛鹿角，虽然鹿角近期表现唔错，不过对住超晒班嘅前锋相信都会觉得头痛，而且球队近期攻得唔守得，今场两队相信都係斗攻，[2.5/3球]嘅「大」应该都走唔甩。
另一场浦和红鑽对名古屋鲸鱼，红鑽最近表现强劲，好大程度都係靠佢哋嘅新援卡斯柏真卡所赐，佢今个月上阵6次已经入咗6球，表现超劲。而且鲸鱼最近又战绩不稳，主场嘅红鑽要下盘。
日职星期六就得一场柏雷素尔对北海道札幌冈萨多啫，札幌近期表现稳定番啲，相反柏雷素尔就麻麻地，而且佢哋近期攻力都唔係好够，近5轮先入得2球，平手盘不如博吓札幌好过。
