巴西攞头威誓炒委内瑞拉
美洲国家盃经过重重波折后终于开锣，最后关头取代哥伦比亚同阿根廷做主办国嘅巴西，周一清晨喺揭幕战迎战委内瑞拉。巴西弗到漏油，而且以衞冕身份主场出战，一定加多两钱肉紧，让到两球咁辣都冇有怕，照拣上盘。
虽然巴西开赛前一度爆出罢踢风波，但事件最终得到平息，佢哋今届强阵出击，尼马、罗拔图法明奴、李察利臣等球星悉数在阵，并重召老将堤亚高施华镇守防线，今个月喺世盃外亦轻取厄瓜多尔及巴拉圭，近7场国际赛事赢晒，可见在领队迪迪领军下，巴西嘅战术、默契均已磨合成功，佢哋上届都係喺自己地头捧盃，当然想重温旧梦，揭幕战更加要打出气势。
状态往绩赢晒
委内瑞拉近2场世盃外围赛分别输畀玻利维亚，以及赛和乌拉圭，状态同「森巴兵团」争几条街。佢哋过去5次对住巴西，亦只得1和4负，明显畀「森巴兵团」食住，巴西有望大胜响头炮，直取上盘。
