葡军上盘打爆匈牙利
周三凌晨欧国盃F组首场大战，匈牙利主场出击，挑战衞冕之师葡萄牙。保留大部分冠军队成员嘅葡萄牙，阵容比去届更趋成熟，面对缺少超新星苏保斯拉尔助阵嘅匈牙利，近年对赛往绩佔尽优势嘅葡军肯定唔同你客气，让一球照捧上盘。
由意大利教头马高罗斯挂帅嘅匈牙利，已经连续两届杀入欧国盃决赛周；无独有偶，佢哋继上届之后，今次再与葡萄牙喺分组赛碰头，可以话係冤家路窄。匈牙利今届主力攻击手施沙拉尔将继续担大旗，配合另一德甲兵路兰沙拉尔负责攻坚，攻击力唔错，只可惜欧国盃决赛周开打前传出坏消息，超新星苏保斯拉尔因伤未愈，无缘今届大赛，势必重创匈牙利中场创造力，今场面对葡萄牙，绝对唔易踢。
C朗率冠军班底出击
作客嘅葡萄牙一众主力包括般奴费南迪斯同迪亚高祖达，今季弗到冇朋友，结合埋上届夺冠嘅经验，呢支衞冕之师绝对係冲击冠军宝座嘅大热。但讲到葡萄牙核心人物，就不得不提头号球星基斯坦奴朗拿度，C朗距离打破伊朗射手戴伊所保持嘅国际赛入球纪录只差5球，入波意欲极之旺盛，有望继续为球队数胡。况且葡萄牙近6次面对匈牙利豪取5胜1和，往绩完全食住对手，今场有本钱反客为主，葡萄牙让一球，一于吼实上盘。
