留前斗后巴西半场细最稳
周二朝早美洲国家盃4强激斗，「东道主」巴西再战秘鲁。今场係上届决赛翻版，两年前巴西赢3比1夺标，今届分组赛两军亦曾碰头，「森巴兵团」狂派4蛋，不过半场只领先1球。事实上，巴西最近7场似乎都习惯睇住嚟食，半场全开1球或以下，推介1.5球半场细。
「耶稣仔」停赛火力减
加比尔捷西斯喺8强出「天残脚」领红，搞到巴西仅以1比0惊险淘汰智利，今仗「耶稣仔」停赛，难免影响到「森巴兵团」嘅攻力。然而，巴西近仗遇到嘅对手，踢法都好一致，可能慑于「森巴兵团」嘅攻力，上半场大多集中精神防守，间中作零星反击，不过巴西有车路士中坚堤亚高施华领导防线，好少会失波，近7场除咗哥伦比亚曾成功「偷鸡」，上半场攻入过巴西1球，其馀球队全部食白果。
不过「森巴兵团」实力超班，半场一啲都唔心急，好少话上半场就大胜，包括今场对手秘鲁。巴西分组赛虽大胜秘鲁4粒，但半场只领先1球，绝对係睇定嚟食，半场细值得留意。
