今日奥运女足上演两场4强战，其中尾场澳洲女足与瑞典女足再次狭路相逢。瑞典今届表现突出，4战全胜霸气尽现，遇上疲态毕露嘅澳洲有力赢波，客胜有计。
瑞典女足贵为上届银牌得主，抱住卷土重来嘅决心，3场分组赛先后击败世界一姐美国，再连取澳洲及新西兰，跻身8强亦以3比1击败东道主日本。最可怕系佢哋所入嘅12球，竟然由7名球员包办，可见攻击并非太倚赖入咗4粒嘅布莉丝坦妮奥丝。另边厢澳洲喺8强同英国激战至加时，最终险胜4比3过关，耗力不小，未必咁快回得切气，再遇弗到漏嘅瑞典随时输多铺，客胜好路。
另一场「美加大战」，由美国女足硬撼加拿大女足。4届金牌得主美国，虽然今届表现唔算突出，分组赛只得1胜1和1负，但上仗8强对住弗爆劲旅荷兰，激战打和2比2，最终凭互射12码晋级，尽显其经验及强大嘅心理质素，加拿大近两届均获铜牌，即系两次都入唔到决赛，加上近4次交手输晒，美国格食格下W得。
