今晚欧霸外附加赛首回合，苏超劲旅些路迪主场硬撼荷甲球队阿尔克马尔。些路迪嘅日本新兵古桥亨梧加盟后极速入局，士哥停不了，必趁地利抢攻，而且佢哋踢亲欧霸例必火力全开，近8仗欧霸赛事全开3球或以上，捧2.5球嘅入球大最上算。
些路迪于欧联外第二圈被米迪兰特踢出局，连同联赛首轮不敌赫斯，一度信心尽失，好彩从神户胜利船加盟嘅古桥亨梧，立即成为救世主，佢喺各项赛事近4仗共入5粒，协助球队录得全胜，包括降格踢欧霸外，上圈对积布尼克首回合都有士哥，认真好脚头，令新帅普斯迪高路捱过被炒危机。
阿尔克马尔今季有翼锋史甸格斯改投尼斯，即从威廉二世签入上季有12球进帐嘅柏夫列迪斯，「AZ」日前联赛首轮爆冷输畀华域克，佢只系后备落场，预计今仗会担正攻坚，力图赢波止跌。虽然些路迪近年经常无缘欧联分组赛，但转战欧霸表现唔差，近3届都能杀入分组赛，今仗必藉主场之利抢先机。翻查佢哋近8仗欧霸全开3球或以上，其中只有1场冇失波，有前冇后非常进取，不妨转向大盘埋手。
