英超今晚狼队主场斗热刺，亦系客队主帅纽奴嘅倒戈战，热刺首仗击败曼城令人惊喜，而且3位新兵喺啱啱嘅欧协联已经上阵，可随时候命，令阵容更完整。纽奴对狼队球员特性了如指掌，必有克敌妙计，客胜值得捧场。
孙兴民够料担大旗
热刺王牌哈利卡尼仲未知转唔转到会，但就算佢继续缺阵，孙兴民已经证明自己一样可以担大旗，加上翼锋拜仁基尔、中坚基思甸罗美路同门将高连尼3位新兵，啱啱周中已首度正选上阵，令主帅纽奴有更多筹码喺手。
狼队今季由般奴拿治代替纽奴领军，首仗作客0比1输畀李斯特城，球队仍然倚重鲁尔占美尼斯及埃达马查奥尔等人，纽奴对佢哋踢法好熟悉，自然有方法应付，加上狼队近4次主场对热刺1和3负，今仗客胜好路。
