今晚有多场英联杯第2圈赛事，英超有几支球队亮相，先讲哈特斯菲尔德对爱华顿。「太妃糖」喺英超争霸能力有限，但有足够力量于杯赛发围，尤其面对低组别球队甚少甩拖，佢哋最近6次英联杯对非英超球队全胜，今场捧客胜稳阵。
爱华顿喺联赛开咗个靓头，先以3比1击败修咸顿，次仗同列斯联大演入球骚，双方踢成2比2。「太妃糖」两仗共入5球，火力全开，新上任领队宾尼迪斯大玩进攻足球，利用巴西射手李察利臣嘅速度，以及另一前锋卡维特利云嘅高空轰炸，为对手后防带来麻烦。
宾尼迪斯未上任时，唔少爱华顿球迷持反对声音，不过经过季前热身赛同埋两场英超之后，亦开始扭转球迷对佢嘅不信任，慢慢赢得掌声，佢梗系会食住个势，为球队继续争取好成绩。
诺域治让唔起般尼茅夫
哈特斯菲尔德上季于英冠仅排20名，演出令人失望，今季佢哋最大目标系升上英超，杯赛并非出击场合，球队今季联赛4战得7分排第10，与榜首只相差3分，相信英联杯亦唔会太落力。事实上，哈特斯菲尔德面对爱华顿亦难有爆冷空间，佢哋自1956年至今，从未击败过爱华顿，往绩非常输蚀，加上「太妃糖」英联杯对非英超球队特醒，近6次全胜，今场可以放心捧客胜。
另一支英超球队诺域治就会主场对般尼茅夫，诺域治季前卖走核心人物贝安迪亚，开咧即录两连败，虽然输畀利物浦同曼城情有可愿，但夹埋失咗8粒兼1球不入，或多或少打击士气，加上「金丝雀」对般尼茅夫往绩输蚀，近6次对赛只得1胜1和4负，肯定让唔起般尼茅夫，呢场推介让球客胜。
