今晚世杯外欧洲区A组强弱悬殊之战，阿塞拜疆主场硬撼葡萄牙。虽然葡萄牙杀鸡焉用牛刀，但王牌C朗上轮攞黄牌变相「申请」停赛，对进攻点都有影响，面对龟缩死守嘅阿塞拜疆，葡军随时见好就收，2.5球嘅入球细更加值博。
葡萄牙今届世杯外取得3胜1和，睇落唔错，但细心睇真啲，佢哋所入嘅8球中，C朗占咗3粒，包括上轮再做救世主，喺末段梅开二度，几经辛苦先反胜爱尔兰2比1，而佢因兴奋过度除衫庆祝被罚黄牌，累积够数而需要自动停赛，今仗无缘披甲，佢亦提早走人返曼联报到，尽快完成隔离以便嚟紧联赛上阵。葡萄牙日前同卡塔尔「拍跳」，喺对手有2名球员被逐下赢3比1，冇C朗在阵下表现只系麻麻。
阿塞拜疆防守唔差
阿塞拜疆虽然喺今届世杯外4战只得1和3负，但3场败仗都系仅输1粒，包括首轮作客因自摆乌龙，先以0比1惜败畀葡萄牙，防守其实唔差。翻查纪录，双方近4次交手，葡萄牙虽然赢晒，但有3仗开2球或以下，今仗冇埋C朗更难大炒，随时领先后收缰，2.5球嘅入球细咪错过。
