雷根斯堡大战达斯泰特
踢法积极娱乐性高
雷根斯堡主场迎战达斯泰特。雷根斯堡自联赛重开之后变「和波专家」，近4战皆和，但唔代表踢法消极，因为其中3场打成2比2，充满娱乐性。至于达斯泰特要力争升班附加赛资格，焗住豁出去抢攻，首选中位数2.5球入球大。
雷根斯堡喺德乙复赛后，除咗作客同辛特侯逊互交白卷，另外3场都同对手激战，而且过程相当峰迴路转。其中先喺主场落后2球劣势下，补时逼和基尔2比2。对纽伦堡一役，雷根斯堡先失守，却又一度反超前，最终被逼和2比2。去到上场作客奥斯纳贝克，又喺领先2球下被追和，可见雷根斯堡踢法相当豪迈，可以话有前冇后。尤其队中前锋史度尔斯状态大勇，近4场攻入3球，有足够本钱进攻，预料今场会继续大起大落。
达斯泰特争升班豁出去
另一边厢，达斯泰特落后联赛「3哥」汉堡6分，仲有机会争取升班附加赛席位。因此，佢哋非常进取抢分，近3场取得2胜1和，合共攻入8球。值得留意嘅係，达斯泰特近4场联赛作客赢3场，当中夹埋入咗8球，证明佢哋作客一样会抢攻，所以今场双方好可能又大手交易。
