利华拜仁再演入球骚
拜仁前锋 罗拔利云度夫斯基
王牌射手大比併
周六晚德甲前列大战，利华古逊主场火併拜仁慕尼黑。利华新人王夏维斯士哥停不了，上轮再创新纪录，为争下届欧联入场券，必定施展浑身解数；拜仁箭头罗拔利云度夫斯基已入匀今季德甲17支对手，欲尽快锁定联赛8连霸料亦唔会退缩，今场斗攻格局，中位数3.5球照捧大盘。
利华古逊嘅夏维斯係目前德甲最炙手可热新星，踏入2020年之后，呢名20岁小将喺联赛攻入9球兼交出7次助攻，上场赢弗赖堡之役又一箭定江山，令佢喺德甲累积35球，力压前西德名将菲沙，成为德甲史上首位21岁或以下、能够攻入35球嘅球员，状态弗爆。
排第5位嘅利华目前与「4哥」慕逊加柏同得56分，落后排第3嘅RB莱比锡2分，比起「2哥」多蒙特亦只相差4分，为抢下届欧联参赛资格，1分都不能少。睇番利华近6次联赛主场对拜仁攞到2胜3和1负，而且今季首循环利华曾经作客击败拜仁，计往绩唔输蚀，主场出击有本钱斗攻。
近6交手轰27球
拜仁近15场联赛豪取14胜1和，现时喺榜首有7分优势，不过吸取上季煞科日才惊险夺冠嘅教训，为免夜长梦多，相信拜仁亦会主动出击。拜仁今季联赛已攻入86球，距离队史单季联赛最多入球嘅102球只差16球，王牌射手罗拔利云度夫斯基上场对杜塞尔多夫梅开二度，完成「通杀」今季17支德甲对手嘅壮举，并喺各项赛事累积入43球，追平个人单季最多入球纪录。既然两军射手都咁弗，加上双方近6次交锋一共合力炮製27球，当中5次总入球开4球或以上，大盘由中位数3.5球起跳都唔惊，照追入球大。
